Juledekor er avlegs på Tangen

Årstal: 2008   Foto/kilde: Nissen   Kategori: Natur   Lagt til: 11.30 2008

Sjå godt på bilete, kan du gjette kva slag høgtid sentrum på Tangen er pynta til?

Det er ikkje så lett om ein ikkje legg merke til julegrana utanfor rådhuset... der i det fjerne.

For fyrste gong på ca 20 år er det ikkje julegate på Tangen. Medan dekoren på andre tettstader og byar i Noreg stadig tek nye høgder vel ein altså å gå stikk motsatt veg her i bygda.

Er det finanskrisa som har skylda? Har nokon rota bort dekoren? Har nokon tatt feil av kalendaren? Me veit ikkje...

Sant nok har ein sett trenden lenge. Julegran var fast tradisjon utanfor verksportane i desember, men dei siste åra har ikkje Hydro tatt seg bryet med å sette ut noko tre.

Samvirkelaget satsar no påskegult året rundt, og det er ikkje mykje som inviterer til julehandel utvendig på det som ein gong var eit julepynta varehus i desembermånaden.

Strekninga frå Statoil og ned til Fjordblomsten mista julegata allereie for nokre år sidan, medan i fjor hang det som var igjen av girlander i hovudgata - strippa for bjeller, hjerter og julekorger som før hang i midten av lenkene...

Akk, kanskje har handelstanden på Tangen gode dagar.. i alle fall ser det ut som dei har eit svært avslappa forhold med å få kundar til å handle før jul.

emneord:  jul  tangen  julegate